Concerto de panxoliñas o domingo na igrexa de Santa María de Oia

Participarán as corais Vagalume (Oia), A Torre (Maside) e Cantares (Coles)

A Coral Polifónica Vagalume, coa colaboración do Concello, organiza un concerto de panxoliñas o próximo domingo 22 na igrexa parroquial de Santa María de Oia.

O programa incluirá a participación de dúas corais convidadas, A Torre (Maside) e Cantares (Coles), ambas procedentes da provincia de Ourense. Pola súa banda, a formación local Vagalume exercerá de anfitrioa. 

O recital comezará ás 17.30 horas no templo parroquial de Santa María de Oia, con entrada libre.

Pin It on Pinterest

Share This