Etiqueta: Patrimonio

Andaina en Oia -Monumenta 2019

Organiza Xunta de Galicia- Consellería de Cultura

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: baixa.
Itinerario: na primeira parte da actividade, realizaremos o tramo do Camiño Portugués, e despois, visitaremos o mosteiro de Oia.
Observacións: camiño rural agás un tramo de poucos metros pola beirarrúa da PO-532.
Non hai zonas de sombra. Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, 26 de xullo ao 9 de agosto.

 

MÁIS INFORMACIÓN DE INTERESE

 

PUNTO DE ENCONTRO
No campo da festa do mosteiro de Oia. A zona de aparcamento é ampla.
Como chegar: coller a PO-532 Baiona – A Guarda e, á altura do km 34, tomar o desvío indicado para o mosteiro de Oia. https://goo.gl/maps/ FJn4ukfoaZKHqEeV7

Á DESCUBERTA DO PATRIMONIO
Existe o patrimonio xeomorfolóxico? Por suposto que si, e nesta andaina falaremos del e da súa relación coa arqueoloxía, polo que poderemos facernos unha idea da historia do clima e, por tanto, do cambio climático. Trátase dun tramo da costa que conta con numerosas testemuñas do pasado, como os depósitos sedimentarios antigos na beiramar, as saíñas romanas, os topónimos referentes a actividades mariñeiras xa desaparecidas e, por suposto, o mosteiro de Oia, que na súa evolución histórica sufriu vaivéns relacionados con crises ambientais e climáticas; por exemplo, o maremoto derivado do terremoto de Lisboa.

MONUMENTA DIVULGA
Nesta fermosa andaina, comprobaremos como o patrimonio é un ecosistema, ás veces invisible, que debemos aprender a sentir. Pasearemos por 3 km do Camiño Portugués, onde se escoita un dos grandes tesouros da paisaxe sonora de Galicia, debido á forza das ondas do océano Atlántico: o mesmo culpable da estrela gastronómica da zona, o percebe de Oia.

MONUMENTA ESCOITA
Faia Díaz Novo, membro de De Vacas, o coro Encaixe ou Apatacón, estréase en solitario coa colaboración de Hevi, músico urbano coñecido por Fluzo e Malandrómeda. Ao cabo leirín é o título do seu primeiro disco, un traballo moi especial onde cantigas e músicas populares foron interpretadas e gravadas entre ambientes sonoros en vivo.

MONUMENTA DEGUSTA
«Auga a ferver, percebes botar; auga a ferver, percebes sacar». Faremos unha pequena introdución a este crustáceo e ao seu sucedáneo vexetal, o codium.

CAMIÑANTES CONVIDADOS
Juan López Bedoya, xeógrafo físico e divulgador científico. Xoán Lois Vila,
percebeiro de Oia. Xoán Martínez, coordinador da visita guiada ao mosteiro de Oia.

 

Curro de Mougás

Este domingo, temos o terceiro curro da temporada en Oia!!

Se queres saber máis sobre os curros, e as súas fechas, pulsa no seguinte enlace: CURROS.

Festas patronais de Oia

Durante os vindeiros 8, 9 e 10 de xuño, celébranse as festas na honra  da Virxe do Carmen, do Santísimo e da Virxe do Mar (Patroa do Concello de Oia).

Achegamos o programa dos actos que se celebrarán nestes días:

Programa

Venres 7

  • 19:00 h, actuación do grupo de baile “Giro´s” de Oia.

Sábado 8, festas na honra da Virxe do Carmen

  • 08:00 h, salva de bombas que anunciarán o comezo das festas.
  • 10:30 h, tradicional pasacalles coa ‘Banda Agrupación Musical da Guarda’.
  • 12:30 h, Misa Solemne con sermón e procesión cantada con voz e órgano, e concerto.
  • 20:30 h, teatro na casa de Cultura de Oia con ‘Os mellores do grupo de Santa María de Oia’, estrean a obra “O Veleno, só ou con leite?”.
  • 23:00 h, verbena cos grupos ‘Cañón’ e ‘Claxxon’.

Domingo 9, festas na honora do Santísimo

  • 08:00 h, salva de bombas que anunciarán o comezo das festas.
  • 12:30 h, tradicional pasacalles coa ‘Banda de Música Unión Musical de Mougás’.
  • 12:30 h, Misa Solemne con sermón e procesión cantada pola ‘Coral da Agrupación Musical do Rosal’, e concerto.
  • 19:00 h, verbena coa orquesta ‘Suavecito’ e o grupo ‘Assia’.

Luns 10, festas na honora da Virxe do Mar, Patroa do Concello de Oia

  • 08:00 h, salva de bombas que anunciarán o comezo das festas.
  • 10:30 h, tradicional pasacalles coa ‘Banda de Música de la Brigada de Infantería Ligera Aéreo Transportable’ (BRILAT).
  • 12:30 h, Misa Solemne con sermón e procesión cantada pola ‘Coral Vagalume de Oia’, e concerto.
  • 23:00 h, verbena coa orquesta ‘La Fórmula’.
  • 00:00 h, sorteo dun Dacia Sandero.

6×6 Punto de encontro O Arrabal: historias non escritas

Veciñas e veciños de Oia protagonizan unha visita dramatizada ao Arrabal o vindeiro 2 de xuño

O grupo de veciñas e veciños participantes no obradoiro de teatro veciñal que organiza o Concello de Oia estrearán as súas creacións o domingo 2 de xuño, cunha visita dramatizada ao barrio do Arrabal. O espectáculo comezará ás 19.00 horas.

Froito dun proceso de recompilación de historias locais, tradicións populares e outros elementos patrimoniais de Oia, as persoas participantes no obradoiro elaboraron media ducia de pezas teatrais, asesoradas e dirixidas pola Artística Teatro e Danza. O día 2 de xuño a propia veciñanza interpretará estas historias onde a realidade se mestura coa ficción para dar a coñecer, de xeito innovador, o patrimonio material e inmaterial de Oia.

Lugares como a Eira do Convento, a fonte de San Cosme e San Damián e a Praza da Centinela serán algunhas das paradas deste itinerario onde teatro, danza e música irán da man co obxectivo de visibilizar o patrimonio local. Todos estes lugares emblemáticos converteranse en escenarios de excepción dentro deste proxecto, o cal se desenvolve baixo o título “6×6 Punto de encontro O Arrabal: historias non escritas”.

Por outra banda, co gallo da representación teatral, o casco vello contará cunha ambientación moi especial grazas aos elementos decorativos elaborados polo alumnado dos colexios de Oia, os cales tamén se quixeron implicar no proxecto.

Programación cultural complementaria

Ademais da visita dramatizada, que se desenvolverá entre as 19.00 e as 21.00 horas, ao longo da xornada do 2 de xuño no Arrabal haberá diversas actividades culturais complementarias, al cales se detallarán nos próximos días.

Para o desenvolvemento destas actividades o Concello ten solicitado financiamento á Xunta a través da Axencia de Turismo de Galicia, dentro do programa do Xacobeo 2021.

Segunda edición do obradoiro de teatro veciñal

A deste ano é a segunda edición do obradoiro de teatro veciñal, desenvolvido entre os meses de febreiro e maio deste ano trala boa acollida da primeira convocatoria do proxecto, celebrada en 2018. Algúns dos resultados obtidos no primeiro ano foron: unha trintena de persoas inscritas no obradoiro, alta calidade interpretativa dos participantes e unha grande afluencia de público o día da representación (estímase que unhas 200 persoas).

En canto aos obxectivos relacionados co patrimonio, a iniciativa revelouse como unha boa ferramenta á hora de revalorizar o patrimonio local, aumentar a conciencia veciñal arredor del e dinamizar o turismo baseado nos valores culturais locais. Nesta segunda edición, a estes obxectivos súmase a aposta concreta pola dinamización do valor patrimonial do Arrabal como parte do Camiño Portugués da Costa.

Curro de Torroña

Segundo curro da temporada en Oia!!

Se queres saber máis sobre os curros, e as súas fechas, pulsa no seguinte enlace: CURROS.