As persoas que este ano cumprisen ou cumpran 18 anos poden solicitar na web www.bonoculturajoven.gob.es desde hoxe ata o 31 de outubro o bono cultural xove para gozar de produtos, servizos e actividades culturais.

O requisito é cumprir os 18 anos en 2025 e ter nacionalidade española, posuír residencia legal en España, ser solicitantes de asilo, desprazados temporais ou estranxeiros ex tutelados.

Os beneficiarios dispoñerán dunha tarxeta prepago con 400 euros que poderán destinar a actividades e produtos culturais en formato físico, dixital e artes escénicas:

• 200 euros para artes en vivo, patrimonio cultural e artes audiovisuais. Por exemplo, entradas e abonos para artes escénicas, música en directo, cinema, museos, …

• 100 euros para produtos culturais en soporte físico. Por exemplo, libros, revistas, prensa,…

• 100 euros para consumo dixital ou en liña. Por exemplo, subscricións e alugueiros a plataformas musicais, de lectura ou audiolectura,…

Desde a data de concesión, poderán facer uso do Bono durante todo un ano nos establecementos adheridos ao programa, 3.700 en toda España

O Bono soamente funciona nas empresas que forman parte do programa. Aínda que sexan culturais, se non están adheridas, o Bono non funcionará nelas. Hai unha listaxe das empresas adheridas, que podes consultar aquí:

https://beneficiarios.2025.bonoculturajoven.gob.es/entidades-adheridas?zoom=10&swLat=40.044054920176045&swLng=-4.582696249999995&neLat=40.787441727624234&neLng=-2.8248837499999957

Toda a información en https://bonoculturajoven.gob.es/

Se alguén precisa axuda para solicitalo pode pedir cita coa educadora familiar do concello.