Campamentos Polideportivos 2020 – Príncipe Felipe
Abriuse o prazo para inscribirse no programa Campamento Polideportivo 2020
Poden participar neste programa da Deputación de Pontevedra os rapaces e rapazas de Oia nacidos entre os anos 2006 e 2013, incluidos.
Prazo de presentación
O pasado día 24 de febreiro abriuse o prazo de 15 días hábiles para inscribirse.
Actividades
O programa ofrece a posibilidade de que 300 nenas e nenos gocen do seu tempo libre no verán, entre os meses de xullo e agosto, participando en actividades de carácter lúdico e deportivo que contribúan ao seu enriquecemento persoal.
Entre as actividades hai saídas ao medio natural, tiro con arco, obradoiros e actividades acuáticas.
Obxectivos
- Ensinar as mozas e mozos a desenvolverse nun medio afastado da súa familia, potenciando a súa maduración.
- Desenvolver a sociabilidade e o dinamismo multicultural.
- Inculcar hábitos hixiénicos, alimenticios e de exercicio físico.
- Fomentar o respecto polo medio e a conservación da natureza.
Lugar de realización
O campamento realizarase no Centro Príncipe Felipe de Pontevedra.