Depo Aventura A Lanzada
Dende hoxe día 31/01/2023 está aberto o prazo para solicitude SOLICITAR PRAZA NOS CAMPAMENTOS DA LANZADA da Deputación de Pontevedra: 1.540 prazas destinadas a nenas e nenos da provincia de Pontevedra nados entre 2010 e 2015.
- 1.330 prazas adxudicaranse polo procedemento xeral
- 210 prazas adxudicaranse polo procedemento específico: reservaranse para menores en situación ou risco de exclusión social
A institución destinará 210 prazas a menores en risco de exclusión social, das cales 175 se reservan para os concellos, 25 para o alumnado do Centro Príncipe Felipe e 10 para menores en situación de tutela e garda administrativa doutros centros da provincia de Pontevedra.
O programa desenvolverase entre o 25 de xuño e o 9 de setembro, en 11 quendas de sete días de duración cada unha.
A entrada será o domingo pola tarde, de 16 a 18 horas, e a saída o seguinte sábado pola mañá, de 10 a 12 horas.
Cada grupo visitará a Illa de Ons e realizará unha segunda excursión relacionada coa natureza e co coidado do medio. Tamén está previsto realizar o tradicional obradoiro para elixir a mascota oficial do programa.
Baixo o nome “A Lanzada, un paseo pola historia”, a Deputación ofertará un programa de actividades destinado a favorecer a igualdade de xénero, a inclusión, a aprendizaxe da lingua inglesa, a arte, a cultura, a ciencia, o deporte, a inclusión, a lingua de signos, o respecto e coñecemento da natureza e a dinamización e o coñecemento multicultural da contorna.
Toda a información e solicitudes dende o enlace: