A partir do día 3 de xaneiro de 2022 ábrese o prazo de solicitude de axudas para a rehabilitación enerxética de vivendas existentes en municipios en “reto demográfico” (Oia é un deles, así como outros concellos da zona como O Rosal ou Tomiño).

Para poder acceder a estas axudas, a vivenda debe estar construída con anterioridade a 2007.

As axudas poderán destinarse a:

1. Mellora da eficiencia enerxética da envolvente térmica; fachadas, cubertas, carpinterías exteriores, vidros, etc.
2. Mellora da eficiencia enerxética e uso de enerxías renovables nas instalacións térmicas de calefacción, climatización, refrixeración, ventilación e auga quente sanitaria.
3. Mellora da eficiencia enerxética das instalacións de iluminación.

A porcentaxe da axuda varía en función do tipo de actuación, criterios sociais, eficiencia enerxética e actuación integrada.

MÁIS INFORMACIÓN

Na seguinte ligazón vai un resumo da web do Instituto Galego de Vivenda e Solo (IGVS):

http://igvs.xunta.gal/web/actuamos/969