Con motivo do Concerto de Milladoiro que se celebra este sábado 20 de xullo ás 22h no recinto do Cabezo de Viladesuso, o Concello de Oia en colaboración coa organización do Festival de Verán, elaborou un plan especial de tráfico a fin de regular os sentidos do tráfico nos camiños próximos ao recinto do Festival.

Así, a partir das 19 h aproximadamente, so se permitirá circular, en sentido único, desde a PO-552 polos camiños de Muro, camiño de Foxo e camiño da Calzada, en dirección ao camiño da Xesteira (queda prohibido circular en sentido de baixada).

Queda cortado o acceso ao camiño da Xesteira desde Mougás.

Dende o camiño de Foxos no encontro co camiño da Xesteira, poderase circular en ambas direccións (Mougás e Viladesuso)

E dende o camiño da Calzada no encontro co camiño da Xesteira, poderase circular unicamente en dirección Viladesuso.

Queda prohibido baixar polo camiño da Xesteira a partir da ponte do río Broi.

Estará restrinxido o acceso ao camiño de Canido (entorno do recinto) a residentes e personal da organización.

Haberá vallas coas correspondentes sinais.

Prégase máxima colaboración.

Contarase coa colaboración de Protección civil de Val Miñor e O Rosal, a quen o concello de Oia traslada o seu agradecemento.