O delegado territorial da Xunta en Pontevedra, Luis López, acompañado pola alcaldesa de Oia, Cristina Correa, supervisou hoxe pola mañá esta actuación, orientada á mellora do espazo público central desta parroquia e cofinanciada ao abeiro das achegas do Plan Hurbe | O proxecto permitiu mellorar a accesibilidade e a imaxe desta zona, aumentou o espazo veciñal e creou unha praza de uso público dotada con bancos, arborado, vexetación, céspede, varandas de protección e muros de contención e delimitación das parcelas privadas | “Colaboramos cunha obra fundamental para rematar a restauración perfecta desta contorna despois de que, en anos anteriores, se completara a rehabilitación de todos os edificios para usos socioculturais e vivendas sociais”, explicou o representante autonómico